Dende a súa inauguración en xuño de 1995, O Dezaseis logra converter a clientela en amizades e a comida nun pracer para todas as persoas que baixan os centenarios chanzos deste fermoso local. Unha casa de xantar onde comer non só implica alimentarse e gozar dun bo prato senón tamén voltar a aquelas comidas de antes cociñadas, devagar, á calor da amizade e o bo facer. Un lugar onde goza tanto quen come como quen cociña ou serve.
No Dezaseis contamos con diversos espazos e ambientes para que todas as persoas que nos visitan poidan sentirse cómodas, como na súa casa. Aínda que, sen dúbida, un dos recunchos favoritos é a terraza cuberta. Tomar o polbo baixo a parra ao tempo que se oe de fondo a chuvia de Santiago é un dos pequenos praceres que quedan gardados para sempre na memoria.
